Welle mer wierklech sou mateneen ëmgoen? Choose Kindness
124 Äntweren
Melden
Wou kann een Inhalter a potentiellt Feelverhale mellen?
Hei fannt Dir eng Auswiel u verschiddene Meldestellen an Acteuren, un déi een sech vu Lëtzebuerg aus wende kann. Bedenkt w.e.g., datt dës Oplëschtung net vollstänneg ass an datt et an dësem Beräich zu Ännerunge komme kann.
BEE SECURE Stopline
Bei der BEE SECURE Stopline kënne rassistesch, diskriminéierend a revisionistesch Kommentarer souwéi Duerstellunge vu sexuellem Mëssbrauch u Kanner (CSAM) an terroristesch Inhalter anonym gemellt ginn. Relevant Meldunge gi vun der BEE SECURE Stopline un d'Police weidergeleet. Dës steet am Austausch mam Parquet (Staatsanwaltschaft), deen de Fall gegebenenfalls viru Geriicht brénge kann. Bei der BEE SECURE Stopline stinn déi méiglech juristesch Konsequenze fir déi verantwortlech Persounen am Fokus an net d'Läschung vun den Inhalter.
Iwwer den National Trusted Flagger Portal vu BEE SECURE kënne potenziell illegal Inhalter op soziale Medien, wéi Cybermobbing, Haassried, Bedruch oder d'Verëffentlechung vu privaten Donnéeën ouni Zoustëmmung, vertraulech gemellt ginn. Als unerkannt Trusted Flagger-Stell kann BEE SECURE Meldungen an Ufroe fir d'Läschung vun Inhalter areechen, déi am Kader vum DSA vun den Online-Plattforme prioritär behandelt ginn.
D'BEE SECURE Helpline bitt eng gratis a vertraulech telefonesch Berodung fir Kanner, Jugendlecher, Elteren, Erwuessener a pädagogescht Fachpersonal. Si bitt Informatiounen, Berodung an Ënnerstëtzung bei Froen a Problemer, ënner anerem ronderëm Cybermobbing, sozial Medien, Online-Sécherheet an Dateschutz.
Wat offline strofbar ass, ass och online strofbar. Beweiser am beschte mat Screenshots sécheren. Op engem Policebüro kann een eng entspriechend Plainte maachen. Bei akuter Gefor ass d'Police ënnert der Nummer 113 erreechbar.
D'Autorité de la concurrence ass fir d'Koordinatioun vum Digital Services Act (DSA) zu Lëtzebuerg zoustänneg. Bei hir ka Feelverhale vun Online-Plattforme gemellt ginn, zum Beispill wann dës keng Méiglechkeet ubidden, illegal Inhalter ze mellen, Meldunge systematesch ignoréieren oder Benotzerkonte fälschlecherweis spären. Illegal Inhalter selwer kënnen net bei der Autorité gemellt ginn. Si kann och keng Inhalter läschen oder hir Läschung uweisen.
De Centre pour l'égalité de traitement (CET) setzt sech fir Gläichbehandlung a géint Diskriminatioun an. De CET kann sech net direkt fir betraffe Persounen asetzen, meeinforméiert a beréit si iwwer hir Rechter a méiglech Schrëtt. Zousätzlech publizéiert de CET Rapporten a Recommandatiounen a féiert Etüden zum Thema Diskriminatioun duerch.
Autorité luxembourgeoise indépendante de l’audiovisuel (ALIA)
D'Autorité luxembourgeoise indépendante de l'audiovisuel (ALIA) iwwerwaacht d'Anhale vun de gesetzleche Virschrëften am Beräich vun den audiovisuelle Medien. Bei der ALIA kënne potenziell problematesch Inhalter a strukturell Problemer am Zesummenhang mat dëse Medie gemellt ginn. D'ALIA préift d'Reklamatiounen a kann am Fall vu Verstéiss Sanktioune verhänken. Si huet awer kee Recht op Zensur a gräift net an d'Programmgestaltung an.
Op Plattforme wéi Facebook, Instagram oder TikTok kënne problematesch Inhalter oder Accounts, déi géingt hier eegen Reeglen oder géingt d'Gesetz verstoussen, och direkt gemellt ginn. All Plattform huet dofir hir eege Meldefunktioun. Meeschtens steet eng eventuell Läschung am Fokus. Bei Verdacht op schwéier Strofdoten, déi d'Liewen vu Persoune gefäerden, sinn d'Plattformen ugehalen, déi zoustänneg Autoritéiten ze informéieren. Eng Plattform kann sech och dozou entscheeden, gemellten Inhalter reegelméisseg un aner Meldestelle weiderzeleeden.
Bei Account-Verwalter selwer
Potenziell problematesch Inhalter kënnen och direkt bei de Persounen oder Organisatioune gemellt ginn, déi en Account verwalten, zum Beispill per E-Mail oder Privatnoriicht. Bei problematesche Kommentarer ënnert engem Artikel vun enger Online-Zeitung kann een dës beispillsweis per E-Mail kontaktéieren an entspriechend Screenshots matschécken.
Spezifesch Meldestellen
Zu Lëtzebuerg ginn et och spezifesch Meldestelle fir verschidde Forme vu Mënschefeindlechkeet, wéi z.B. Queerfeindlechkeet, Rassismus oder Antisemitismus. Well sech d'Offer an dësem Beräich lafend weiderentwéckelt, ass eng komplett Oplëschtung hei net méiglech. Wann s du eng spezifesch Meldestell sichs, kontaktéier eis gär oder fro bei anere Meldestellen no.
01 /
1 vun
Du kanns
Kommentéieren
Firwat op haaserfëllten Inhalter mat engem Kommentar réagéieren?
Betraffene weisen, datt si net eleng sinn
Allen, déi matliese weisen, datt et och aner Usiichte ginn
E kloert, siichtbaart a schnellt Zeeche géint Haass setzen – Meldunge bleiwen no baussen onsiichtbar
Virbild si fir anerer
Strategien
Wéi kann een op Haasskommentarer äntweren?
Et gi verschidde Strategien. Sich dir déi eraus, déi am beschte bei dech an déi jeeweileg Situatioun passt. Hei eng Auswiel u Strategien:
Wiel eng Strategie aus:
An nach anerer…
Anonym_87virun 3 Min.Haasskommentar
😡 47128 Kommentarer
Irritatioun & kritesch Froen
Wat wëllt Dir domadder soen?
86 Äntweren
Benennung vun Haass
Dir geheit hei jiddereen an een Dëppen, maacht pauschal Stëmmung géint eng ganz Grupp vu Leit & verbreet domat einfach just Haass
52 Äntweren
Grenze setzen
Et muss een net ëmmer enger Meenung sinn, mee sou Kommentarer ginn definitiv ze wäit a kennen och strofbar sinn!
13 Äntweren
Fakten & Differenzéieren
Äre Kommentar stëmmt sou net - Hei ee Link mat mei Informatiounen dozou: (Link asetzen)
34 Äntweren
Moraleschen Appell géingt Haass
Welle mer wierklech sou mateneen ëmgoen?
Choose Kindness <3
124 Äntweren
Dialog & Empathie
Ech verstinn, datt Dir wéinst deem Virfall rose sidd - dat war sécher net korrekt vun där Persoun! Mee vun enger Persoun kann een net op eng ganz Grupp schléissen.
35 Äntweren
Betraffener ënnerstëtzen
(@ugegraffe Persoun) ech fannen richteg richteg gutt wats du mëss! I feel you & verstinn net wei een hei mat souvill Haass reagéiere kann. Keep up the good work <3
148 Äntweren
Moderatioun afuerderen
un d’Admins hei: Et stinn ee ganze Koup haasserfëllte Kommentarer hei op Ärem Account - wëllt dir dat wierklech hei sou stoen loossen? Huelt wannechgelift är Responsabilitéiten a moderéiert - Merci!
63 Äntweren
Humor
(GIF)
16 Äntweren
Positivitéit
(GIF)
113 Äntweren
01 /
1 vun
Iwwert eis
Haass am Internet ass e grousse Problem!
Mënsche ginn attackéiert, leiden ënnert dem Haass a zéie sech zeréck. Eis Diskussiounskultur gëtt vergëft an dat gesellschaftlecht Matenee verschlechtert sech.
De Projet „Zivilcourage am Netz“ ass eng Kooperatioun tëscht respect.lu – dem Zentrum géint Radikaliséierung zu Lëtzebuerg – an dem Ministère fir Gläichstellung an Diversitéit.
Dofir solle Mënschen encouragéiert a gestäerkt ginn, bei Haasskommentarer net ewechzekucken, mee aktiv ze ginn an hire positiven Deel bäizedroen. Sief et duerch d'Melle vu potenziell problemateschen Inhalter oder duerch konstruktiv Géigeried, och „Counter Speech“ genannt. Méi Informatiounen dozou hei.
Setz och du e kloert Zeeche géint Haass am Netz! Weis Solidaritéit mat de Betraffenen a setz e positivt Signal fir all déi, déi matliesen. Gëff och du däi positive Päfferkär!
„No Hate Speech! Strategien fir jiddereen géint Haass am Internet“
Dauer
3h (mat Paus)
Sproochen
LU / DE / EN / FR
Inhalter
Eegen Erfarungen & Ënnerstëtzungsangeboter, Definitioun & Folgen vun Hate Speech, Gesetzeslag zu Lëtzebuerg & Fallbeispiller, Meldeméiglechkeeten zu Lëtzebuerg, Counter Speech: Strategien & Übungen, Tipps & Psychohygiene
2
Workshop 2 · Schoul-/Jugendworkshop
„No Hate Speech! Strategien géint Haass am Internet fir Jugendlecher ab 14 Joer“
Dauer
2h (mat Paus)
Sproochen
LU / DE / EN / FR
Inhalter
Interaktiv Übungen zum Thema Social Media, Folgen vun Hate Speech, Gesetzeslag & Meldeméiglechkeeten, Zivilcourage & Counter Speech, Praktesch Übungen & Fallbeispiller, Ënnerstëtzungsangeboter & Psychohygiene
3
Formatioun 3 · fir Institutiounen, Veräiner, Firmen, etc.
Online-Moderatioun vun Haasskommentaren & Shitstorms
De Steering Committee besteet aus zentralen Acteuren am Asaz géint Haass am Internet zu Lëtzebuerg. Seng Membere begleeden de Projet „Zivilcourage am Netz“ an diskutéieren iwwer wichteg Entwécklungen am Beräich vum Haass am Internet op nationalem an internationalem Niveau.
Memberen
Ministère fir Gläichstellung an Diversitéit (MEGA)
Autorité luxembourgeoise indépendante de l'audiovisuel (ALIA)
Kanner- a Jugendtelefon (KJT) mat der BEE SECURE Stopline an Helpline
Police Luxembourg – Service national de prévention de la criminalité (SNPC)